ભરૂચમાં રક્ષાબંધન નિમિત્તે રાખડી ખરીદી માટે સોશ્યલ ડિસ્ટન્સ ભૂલાયું : ઠેર ઠેર મેળાવડા જામ્યા...

ભરૂચ જીલ્લા માં કોરોના નું સંક્રમણ વધી રહ્યું છે. છતાં લોકો માં સાવચેતી નો અભાવ જોવા મળી રહ્યો છે.ત્યારે રક્ષાબંધન ની ઉજવણી ના ભાગરૂપે ભરૂચ ના બજારો માં ખરીદી માટે ભારે ભીડ જામી રહી છે.તો કેટલાય વિસ્તારો માં જાહેરમાર્ગો ઉપર જ રાખડી ના પથારા ઉપર રાખડીઓ ની ખરીદી માટે લોકો ના મેળાવડા જામી રહ્યાં છે.. તો કેટલાય લોકો માસ્ક વિનાના અને સોશ્યલ ડિસ્ટન્સ ના ધજાગરા ઉડાવી રહ્યા છે.જેના પગલે ભરૂચ જીલ્લા માં કોરોના નું સંક્રમણ વધુ ફેલાઈ તેવી દહેશત વર્તાઈ રહી છે.ભરૂચ ના સ્ટેશન રોડ,શક્તિનાથ,એમજી રોડ સહીત ના ઝાડેશ્વર વિસ્તાર ના જાહેરમાર્ગો ઉપર જ રાખડીના વેપારીઓ એ પથારા લગાવી દેતા રાખડી ની ખરીદી માટે લોકો ના ટોળે ટોળા એકત્ર થઈ રહ્યા છે.જેના પગલે ભરૂચ જીલ્લા માં આવનાર સમય માં કોરોનાનું સંક્રમણ વધુ ફેલાઈ તો નવાઈ નહિ.ત્યારે જાહેરમાર્ગો ઉપર જામતા ટોળાઓ ને દૂર કરવા માટે પોલીસ પગલાં ભારે તે જરૂરી છે.