ગોલ્ડન બ્રિજ ઉપરથી નર્મદા નદીમાં મોતની છલાંગ લગાવી આબાદ લોખંડની એંગલ સાથે લટકી રહેલાને બહાર કાઢ્યો.....

ભરૂચના ગોલ્ડનબ્રિજ ઉપરથી અજાણ્યા વ્યક્તિએ નર્મદા નદીમાં મોતની છલાંગ લગાવ્યા બાદ બ્રિજના પીલરની લોખંડની એંગલ સાથે લટકી બૂમાબૂમ કરતા માછીમારોએ તેને બચાવી બહાર કાઢ્યો હતો...

બનાવની મળતી માહિતી અનુસાર  ભરૂચના ગોલ્ડનબ્રિજ ઉપરથી એક અજાણ્યા વ્યક્તિએ નર્મદા નદીમાં  મોતની છલાંગ લગાવી હતી  ત્યારબાદ  મોતની છલાંગ લગાવનાર  વ્યક્તિએ  બ્રિજના પીલરની લોખંડની એંગલ સાથે  લટકી  બૂમાબૂમ કરી હતી  જેના કારણે ગોલ્ડન બ્રિજ ઉપરથી પસાર થતા લોકોએ આ દ્રશ્ય જોઈ પોલીસને જાણ કરતાં  પોલીસે પણ માછીમારોની નાવડી  મારફતે  તેને બહાર કાઢ્યો હતો...

 જોકે આપઘાતનો નિષ્ફળ પ્રયાસ કરનાર યુવાન ભરૂચના લલ્લુભાઈ ચકલા માં આવેલ શ્રીજી એપાર્ટમેન્ટનો જેઠાભાઈ રાજપુરોહિતનો ૨૮ વર્ષીય પુત્ર ઇશ્વર રાજપુરોહિત બેકારી ને લઈ નર્મદા નદીમાં મોતની છલાંગ લગાવી આપઘાત કરવાનો પ્રયાસ કર્યો હોવાનું પોલીસ સમક્ષ નિવેદન આપ્યું હતું...