ભરૂચ જિલ્લા પંચાયતના CHC સેન્ટરના 2 કર્મચારીઓનું થામ ગામ નજીક અકસ્માતમાં મોત....

મળતી માહિતી અનુસાર, સોમવારના રોજ બપોરના સુમારે ભરૂચ-જંબુસર રોડ ઉપર આવેલ થામ ગામ નજીક અકસ્માત સર્જાયો હતો. બાઇક અને ટેન્કર વચ્ચેના અકસ્માતમાં ૨ વ્યક્તિનું ઘટના સ્થળે જ કરૂણ મોત નીપજ્યું હતું. ભરૂચ જિલ્લા પંચાયતના સી.એચ.સી સેન્ટર ના સંદીપભાઈ વસાવા અને નિલેષભાઈ પટેલ બંને જણા જંબુસરના સી.એચ.સી સેન્ટર ખાતે તપાસ અર્થે ગયા હતા જે બાદ ભરૂચ પરત ફરતી વખતે જંબુસરના થામ ગામ નજીક ટેન્કર ચાલકે જિલ્લા પંચાયતના કર્મચારીઓની મોટરસાઈકલને અડફેટમાં લેતા ગમખ્વાર અકસ્માત સર્જાયો હતો  મોટરસાયકલ ચાલકે  સ્ટીયરીંગ પરનો કાબૂ ગુમાવી  રોડ ઉપર  ફંગોળાઇ જતાં  બંને ઉપર પાછળથી પુરપાટ ઝડપે આવી રહેલું ટેન્કર બન્ને યુવાનો ઉપર ફરી વળ્યું હતું. જેના કારણે બંનેના ગંભીર ઇજાના પગલે ઘટના સ્થળે કરૂણ મોત નિપજ્યા હતા...